MATEBIAN RATE LAEK NIA MATA - WEN

KAROSA NIA HALERIK

Kosar wen nia taturuk troka ho ran naksulin hodi NAKFERA iha isin Kulit Lolon

Ami la presiza o nia osan
Ami la presiza o nia kaizaku
Ami la presiza o nia veiculo
Ami presiza deit mak lia los, lia los ida nebe la falun ho lia bobar

Ami la komprende konaba Lei
Ami la komprende konaba definisaun husi artigo hotu
Ami la komprende konaba justica
Ami so komprende deit oinsa mak atu augenta moris husi loron ida ba loron seluk

Dalahira ona imi preokupa ho ami nia moris,
Dalahira ona imi tau interese ba kiak ho hamlaha nebe ami hasoru
Ohin imi hasai ona ami iha fatin ne'e, fatin nebe ami hotu hodi tur iha loron no udan laran hodi buka moris ba ami nia kabun nian.

Ami lao rai, mai laos atu tane liman ba o be hanaran liurai, ohin ami mai atu konfesa direito nebe ami iha, hanesan ema lao rai iha ami knua rasik,
Iha ne'e nafatin halerik ba o be liu rai matenek nain.

Iha neba o preokupa o nia an,
Iha neba o tau interese ba o nia an, no habokur o nia familia, no o matan delek hodi hateke ami.
Ami fo konfiansa ba o hodi kaer ukun, favor keta hasai ukun fuan nebe la justu hodi mai hadadur ami nia direito.

Heii o!
O laho matenek hodi liberta o an, o laho matenek politizador, o la ho matenek hodi hanehan ami povu ki'ik

Kuitadu Kapital Ida Ne'é laos deit ba kapitalista sira.

Hatama osan ba o nia bolsu,promete tuir o nia gostu ,promete ba tuir gostu nebe o iha Hodi Kumpri  Liberdade koalia nebe konsagra ona iha Konstituisaun RDTL Artigo 40.

Osan Né Lulik, Tamba ne han osan lulik ne didiak ba tó o bosu didiak,no haló o to kabosu hanesan Ami Nia Asu Aman Nebe Ami hakiak Hela ho isin  Kabosu  no Bokur Tebes to Kabun Tara An rabat besik ba Rai.

Tinan bain Loron troka ba Udan, liafuan nebe o promete mak nafatin hanesan o koalia iha período o nia Vizitasaun hodi mai hare Ami. Ami lakoi rona lian nebe falsu husi o  ibun nebe koalia Sai taturuk Ho Kaban-Ben nakfurin bosok nian ,tanba ami laos hanesan asu nebe Babain O hakiak, i mos ami lakoi tan ona Atu monu ba o nia iska lasu Nian hodi hatama ami ba Gayiola.

Imi Haksesuk malu iha uma Fukun, Ami povu kik mak nafatin iha nakukun hanesan ho Kores  metan nian. Husi ibun be imi koalia sai hodi Manifesta imi nia Ideia ho Argumenta nebe sempre ho Terminologia Insultos ho Liafuan subtansia ba sobu Malu nian, Rona iha Ami tilun Ida ne  hanesan ameasa bot ba ami,ami povu aileba Fuan Taridu ba Imi Ukun be buka Soran malun. Ami husu ba Imi Sira be ami Ami fo fiar ona hodi Ba  Ukun, Favor imi ukun-nain Keta uja sala ukun hodi haluha Ukun Tuir Lulik Ukun Nia Hanorin.

Ami Husu imi Keta Halo sala imi nia juramentu ba servi povu,Ba Imi Mak La fiar! Maibe ba AMI! , AMI fiar matebian Rate laek Husi Tasi Feto No Tasi Mané sei Hateke tu'tuir imi Ukun. AMI Koalia Tamba Ami Lakoi Odomatan Uma Lulik Timor nian atu Taka ba Imi.

Hakerek Nain : Novelino Maubere Harame Lonai