Tamba ne’e, ohin loron kontinua hola fatin sentral iha aspetu ispritualidade ba komunidade. Nu’udar Timor Oan ita hotu konsiente katak kultura iha kbi’it ne’ebé forte hodi hametin Konfiansa ka Sai vanguarda komunal ou nasional em jerál no asegura prosesu desemvolvimentu Timor-Leste.
Iha konstistuisaun RDTL Artigu 6, Pontu G konaba objektivu estadu nian hatete katak ” hakatak baloko kultural’ nune’e mós iha artigu 59 (5) konaba Edukasaun no Kulturál, ema hotu iha Direitu atu goja no hari kultura” nia obrigasaun atu haburas defende no mós fo valor ba patrimonia kulturál.
Relasiona ho Fenomena Mundial Nebe mak agora dadaun Halo Mundo Paniku espesifiku Iha Teritorial Timor Laran tomak sobre Pandemia Covid-19 ou Virus Corona, maka Autoridade Suco Saburai ho inisiativa rasik Por amor de Deus intermus de ispritualidade tuir bei alan sira nia manorin hodi halao hikas Atividade Kultural Hodi Satan netik Epidemolozia Corona Nebe Mak Dadaun halo Komunidade senti lá Confortable no Paniku.
Objetivu Husi Serimonia Kultural ne liu husi Balada nia Ran Atu Fanun Natureza sagrado Hotu,Kompostu Husi FATUK-LULIK, UMA-LULIK, AI-LULIK, BE LULIK, FOHO-LULIK Hotu. Ho esperansa Hanesan ema Fiar Nain Hodi Fo konfiansa Totalidade Ba Natureza nian Servisu hodi Hader Sai Vanguarda Ba Komunidade injeral.
Liu husi Serimonia Kultural Satan Pandemia COVID-19 Lia Nain no komunidade Suku Saburai ho voluntáriu esplora valores kulturál ne’ebé existe hodi uza nu’udar Objetu Teolojia hodi Assegura Comunidade Suco saburai husi Sirkulasaun Inimigo Invizivel tuir lisan no fiar komunidade Suco Saburai nian.
Atividade Kultural ida ne’e prepara hosi , Autoridade Lokal Hamutuk ho lia nain sira hosi uma lisan hotu-hotu nebe Compostu iha Suco Saburai hodi hetan konsensu atu Fanun Natureza Sagarado Ho Konviksaun ida Katak Inimigo Invizel Sei La Manan ho Doutor Invizel ka Natureza Lulik nian Servisu hodi sai Mahon ba Komunidade.
"Maliana Saburai, 08-04-2020"
🙏🙏🙏
Natureza Tuba Metin lae ba corona
Malus-Tahan Lulik, Lulik husi Atabae mai Balibo tesik Kailako sae Maliana liu Bobonaro tun to Lolotoe
Bua-musan manas,manas ahi klak nian husi fronteira Batugade,sae to fronteira Lebos
Manu Ten moruk,moruk naksulin tuir we mota Fronteira Malibaka no Nunura
Balada ran mean,no Belak mean sulin husi mota Marobo Bobonaro tun mai tasi atabae naklekar kores mean iha Parte Tasi fronteira
Bekais Kemak Bunak Ibun ida Dale no Doko Malitoli, Malitoli tarutu taka metin odomatan Fronteira
Malitoli hakilar, Ilat-Lau Hatutan, Loelako simu sani Tutan Lutu metin Bobonaro
Husi Tapo-Tas Maria Tapo Hader, Tun Mai Bolu nia Alin Kabu Januario hakat mai fanun sira hotu be Taka Episode Moris nian iha Polres Maliana
Hamutuk Sira Falun no buti Metin Bobonaro iha Sira Liman Laran
Fiar Metin iha Ahi-Matan,Rotan,Krau Dikur,Surik,Odomatan lulik Uma Lisan husi Postu Nen haklalak Hodi Mahon Taka Ami
Fiar nanis Liurai Lalehan,Liurai Tasi,Liurai Foho Hamutuk iha Tempu Besik ita sei vijita malu hemu kafe manas hamutuk no lok bua mallus ba malu.
CORONA
O nia prejensa halo Hau nia nasaun Tanis
O nia Presensa Lori mehi at mai hau nia nasaun
O nia prejensa halo Ami tenki hakmesak an iha Uma
O nia prejensa halo ami dok husi Ami maluk Hotu
O mosu mai halo ami Dok husi uma Reja nian
O mosu mai halo ami dok husi Ami fatin estuda
O mosu mai halakon simbolu domin husi ami ba maluk seluk,
O mosu mai hamihis ami kultura hakuak malu ho domin nian
O mosu mai halo diskriminasaun bot ba servisu nain sira
Servisu nain balun tur deit iha uma,maibe fulan nafatin hetan salariu
Servisu nain seluk tur iha uma hodi kumpri desijaun estadu maibe fulan sein salariu
Obrigado.
Hakerek Nain : Novelino Dos Santos L.Ti
NB: Dokumentasaun Filmagen Kultural Satan Covid-19 Sei iha Prossesu Projeck Editing Adobe Premiere-Pro CC2017, Depois De Finaliza Iha Timeline Sei Publika iha Chanell Youtube NDS.
Obrigado ba ita Bo'ot nia artigo relacionado Ho valores kulturais Timor nian, nune'e artigo né Bele sai referensia ba iha Período tempo ruma
BalasHapus