Iha Erá Globalijasaun mudansa husi Teknologia ho Konesimentu siensia nebe mais avansadu, Facebook mak hanesan rede sosial ida nebe ema utiliza hodi komunika ba malu entre ema ida ho ema seluk nune mos uja hodi partilha tutan informasaun Ba malu.
Estabelesimentu Facebook iha Fulan Februari Tinan 2004 nebe funda husi matenek nain Ho naran Mark Zuckerberg nomos ho nia kolega sira husi Universitariu Harvard, mak hanesan Eduardo Saverin, Andrew Mc Collum, Dustin Moskovitzo nomos Chris Hughes.
No Facebook mos Popular iha Mundo ate a data.
Facebook mos fo posibilidade ba uja nain sira hodi kria Identidade profil,no atualiza informasaun Profil hanesan Enderesu,numero telefone, no Fotografia Profil i sst. Midia sosial facebook inportante tebes atu utiliza hodi halo komunikasaun Edukasaun, rekreasaun, promosaun, diseminasaun interaksaun, Nsst. Maibe iha parte negativu balun, midia sosial frekentamente utilijador sira balun sempre utilija ho inresponsabilidade hodi espalha informasaun Falsu ka (HOAX), difamasaun,Provokasaun,istigar Nsst. Ida ne perigoju Tebes hodi bele resulta Odio,no rai Hirus ba malu.
Mudansa Teknolozia Lori mudansa bot tebes ba sosiedade,Ejistensia Husi media sosial sai hanesan padraun ida ba comportamentu sosiedade hodi sukat experencia mudansa Kada ema ida nian iha ninian Konesimento Husi circulos tinan agora kuaze maioria Populasaun iha Timor utiliza Facebook hodi fahe informasaun Ba publiko,ho Nune mak hau hakerek artigo ida ne hodi foti Formulasaun ba Problema Mak hanesan Inpaktu positive no Negativu Husi Infiltrasaun Facebook Iha Timor leste no buka hatene konaba Komprensaun husi Facebook no ninian influensia ba mudansa Sosiedade Timor leste. Metode husi Hau nian observasaun nebe hau halo maka hau uja mecanismo Deskriptif. deskriptif mak hanesan meus ida nebe ho objetivu atu presente Imagen kompleto/esplora no fo sai klarifikasaun konaba fenomena ou realidade sosial iha Sosiedade infrenta.
Media sosial Facebook mak hanesan media online ida nebe utilijador sira uja hodi hafasil Partilha informasaun ba malu, Media sosial Facebook hanesan media online ida nebe kuaze maioria Populasaun Timor leste Uza, Inpaktu positive Husi media sosial facebook mak hanesan hafasil Hodi fasilita ita atu Interasaun ho ema barak no Promiscuidade , I mos Distansia no Tempu laos tan sai sasukat atu Komunika malu,No mais fasil Hodi Espresa opiniaun nomos Fahe Informasaun Nebe Lais Tebes ba Publiku. maibe iha mos inpaktu negartivu Husi media sosial mak hanesan Hadok Ema Nebe besik ita Opostu,interaksaun ho maneira Cara a Cara(TATAP MUKA) Reramente,no halo ema barak sai viciado(kecanduang) liu ba Internet to Hamosu konflito,problema privado,konaba influensia ladiak ba ema seluk. ejistensia media social facebook iha Timor influensiada tebes ba moris sosial iha Sosiedade.
Mudansa husi Relasaun Sosial (SOCIAL RELATIONSHIP) mak hanesan mudansa ba equilibru Relasaun no formas hotu iha mudansa konaba sosiedade nebe mak influensia, inklui Mos valor valor husi Padraun Comportamentu entre Ema ida Ba ema seluk , mudansas sosial positivo hanesan hafasil atu partilha informasaun social nebe mak vantazen ba Sosiedade em relasaun ho Ekonomia no Sst.
husi nemak interasante tebes hodi hakerek nain hakerek artigo Badak ida ne ho Observasaun ba situasaun atual iha sosiedade konaba influensia husi media sosial Facebook lori mos mudansa sosial iha sosiedade Timor leste.
Tuir Referensia Husi Peritos Website ida ho Naran Andreas Kaplan fo definisaun konaba Midia sosial hanesan “ Grupo Nebe Kompostu husi aplikasaun Hotu nebe ke entre ligadu ho Natureza Internet nebe mak konstrui Tuir ideologia Teknologia ” Rede sosial sai hanesan situs nebe ema hotu bele kria Pajina Privado atu nune bele Konekta ho ema seluk.
Inpaktu positivo husi media sosial Facebook mak hanesan; Hafasil Ita hodi halo interaksaun ho ema barak, no bele habelar ita nia amijade ba Ema seluk iha Rai laran Inklui Mos ho Rai seluk.liu husi Facebook ita bele hetan informasaun Atualidade nebe mak akontese iha rai laran nomos rai liur. Por ijemplu Demonstrasaun iha sidade Dili Nebe mak Organija Husi Estudante Universitariu sira hodi kontra Parlamento Nasional konaba Pensaun Vitalisia, Molok Canal Televisaun Atu Divulga Informasaun Ba Komunidade iha Munisipio inklui Postu Administrativo ida idak, liu husi Facebook Komunidade sira nebe mak assesu Facebook bele hatene antes ona Informasaun Atualidade. Media sosial Facebook halo ita iha koneksaun barak, no fasil atu espressa opiniaun Kritika ba ukun nain sira nebe ukun Naksalak.
Inpaktu negativo husi Utilijasaun media social Facebook Mak hanesan
Utiliza Media social la Tuir Nian Dalan,Por ijemplu Kria Identidade Falsu Hodi insulta Malu, insulta Lideransa Nasional sira,I vinga malu Hasai Liamal Tratas ba Malu,
Hadok an husi ema nebe mak Besik hela ita, ignora ema nebe iha ita nia Sorin tau Prioridade liu Mak Ba Internet, maske Tur hamutuk iha Sala ida.
Liu husi Facbook Fen no Laen Bele Divorsiu Tamba Deit akontese PERSELINGKUHAN
Perturba mos saude,Deskansa tarde Fahe tempu barak liu ba Telefone,sein halo atividade seluk,nunka mais hanoin atu halo ejersisiu fisiku
Ba idade minoridade Fasil hodi akonpanha Filmagen Pornografia.
Baseia ba Observasaun iha leten Maka hakerek nain atu konklui deit katak, facebook mak hanesan rede sosial ida nebe hodi bele komunika malu no habelar amijade ho ema hotu iha rai laran no mos rai liur.Facebook mos sai hanesan fontes nebe bele transimite informasaun ba publiku no utilija hodi komunika malu. liu husi vantazen facebook halo ema hotu bele eleva Ida-idak ninian konesimentu iha siensia Teknologia.
Aleinde husi inpaktu positivu, iha mos inpaktu negativo mak hanesan halo Ema aumenta baruk,no maximiza hahalok inmoral, hadok an husi ema nebe mak Besik ita i ignora ema nebe iha ita nia Sorin. Atu evita Husi inpaktu Negativo Facebook Mak hanesan abitua atu labele registu Identidade falsu,Gere Tempu hodi halimar facebook,Fahe tempu barak ba ema nebe mak iha Ita nia sorin,I mos Utiliza Facebook Tenki Maduru, Ita mak Halimar Facebook Laos Facebook Mak halimar Ita.
Karik iha kritika no Sugestaun Bele Haruka Mensagen Direita Tuir Pajina Facebook Novelino nune ita bele Hadia Hamutuk
Obrigado.
Husi Estudante Instituite Of Busines (IOB)
Naran Kompleto : Novelino Dos Santos
Numero Registu : 1520261175
Fakuldade : Information Comunication and Technology
Departamento : Teknik Informatik
Semester : III
“DELTA DUA 18-Novembro-2015”
Tidak ada komentar:
Posting Komentar